خۆشی و ئاهه‌نگه‌کانی هه‌ڵبژاردنی داهاتوو به توندوتیژی له‌که‌دار ده‌کرێت
پیاسه‌کردنێک به شه‌قامی سالمی سلێمانی له هه‌فته‌ی یه‌که‌می مانگی ۹
دا ، هه‌ست به بوونی گڕوتینێکی جه‌ماوه‌ری ده‌که‌یت ، که به‌هه‌زاره‌ها
خه‌ڵک له چاوه‌ڕوانی هه‌ڵبژاردنێکی نوێی په‌رله‌مانی دان بۆ کوردستانی
عێڕاق که له ۲۱ ئه‌م مانگه‌دا چاوه‌ڕوان ده‌کرێت ئه‌نجام بدرێت ،
بانگه‌شه‌ی هه‌ڵبژاردن ده‌ستی پێکردووه ، شه‌قامه‌کان به ته‌واوه‌تی به
ئاڵا و لۆگۆ و ڕه‌نگه جیاوازه‌کانی لایه‌نه سیاسیه‌کان داپۆشراون ،
دیواره‌کان و عه‌مودی کاره‌باکان به هه‌زاره‌ها پۆسته‌ری کاندیدی
لایه‌نه‌کان داپۆشراوه ، هه‌موو که‌س ده‌توانێت ئه‌وه ببینێت که هه‌موو
ئێواره‌یه‌ک له شه‌قامی سالم ئاپۆڕای ئۆتۆمبیله‌کان له‌سه‌رخۆ ڕێده‌که‌ن
به درێژایی شه‌قامه‌که ، به هۆڕن لێدان ، هاواری خه‌ڵکی ، ڕاوه‌شاندنی
ئاڵاکان و جۆش و خرۆشی منداڵان له جامی ئۆتۆمبیله‌کانه‌وه به خۆشیه‌کی
زۆره‌وه به‌شدارن خه‌ڵکی هه‌موو پێکه‌وه له‌م که‌ش و ڕووداوه شادیه
ده‌بینرێن.
زۆری ئه‌م جۆش و خرۆشه له‌وه‌وه سه‌رچاوه‌ی گرتووه
که هیوایه‌کی زۆر له گۆڕانکاری سیاسی به‌ڕێوه‌یه له ده‌رئه‌نجامه‌کانی
ئه‌م هه‌ڵبژاردنه نوێ یه . هه‌رچه‌نه زۆرێکیش ترسیان له‌و گۆڕانکاریانه
هه‌یه که دێته ئاراوه ، خه‌ڵکی پێیان وایه که ئه‌مجاره یه‌کێتی
نیشتیمانی کوردستان بۆ یه‌که‌م جارتووشی شکست ده‌بێت به‌رامبه‌ر
ڕکابه‌ره‌که‌ی که بزووتنه‌وه‌ی گۆڕانه . یه‌کێتی نیشتیمانی که له
لایه‌ن بنه‌ماڵه‌ی تاڵه‌بانیه‌وه سه‌رکردایه‌تی ده‌کرێت و سه‌رکرده‌ی ئه‌م
حیزبه چه‌ند مانگێکه به هۆی جه‌ڵته‌ی مێشکه‌وه له مانگی
دیسه‌مبه‌روه که‌س نه‌یتوانیه‌وه بیبینێت . که له ساڵی ۱۹۹۱خۆی و
پارته‌که‌ی فه‌رمانڕه‌وایی ئه‌م به‌شه‌ی کوردستانی کردووه ، بزووتنه‌وه‌ی
گۆڕان که له لایه‌ن جێگری یه‌که‌می ئه‌و کاته‌ی تاڵه‌بانیه‌وه
سه‌رکردایه‌تی ده‌کرێت وه‌ک بزووتنه‌وه‌یه‌کی مۆدێرنی نوێخواز و به‌ده‌ر
له‌و شێوه ته‌قلیدی و بنه‌ماڵه‌ییه‌ی که هه‌بووه . خه‌ڵکێکی زۆر له
کوردستانی عێڕاق تینوی گۆڕانن . هه‌روه‌ها باوه‌ڕیان وایه ئه‌م گۆڕانه
هیوایه‌ک ده‌بێت بۆ دانانی سنوورێک . خه‌ڵکێکی زۆر له‌مه تێگه‌یشتوون و
ئه‌م بزووتنه‌وه‌یه به‌رده‌وام له گه‌شه‌سه‌ندنایه و به‌ره و فراوانی
ده‌چێت ، ده‌رئه‌نجامی ئه‌م کێشمه‌کێشانه پێده‌چێت نه‌هێڵرێت ئه‌م
پرۆسه‌یه به شێوازێکی ئاشتیانه به‌ڕێوه بچێت و دژایه‌تی بکرێت .
له هه‌فته‌ی ڕابردوو توندوتیژی به‌رۆکی به
بانگه‌شه‌ی هه‌ڵبژاردن گرت و تا ئێستا له هه‌ڵکشاندایه ، بانگه‌شه‌وانانی
بزووتنه‌وه‌ی گۆڕان که له سێ بنکه‌ی سه‌ره‌کی له ناو سلێمانی
کۆده‌بنه‌وه و به گۆرانی و هه‌ڵپه‌ڕکێ پشتیوانی له لیسته‌که‌یان ده‌که‌ن
رووبه‌رووی چه‌ند هێرشێک ده‌بنه‌وه به لێدان به دار و تێگرتنی بتڵه
شوشه و ته‌نانه‌ت چه‌قۆ و چه‌کیش له دژیان به‌کارده‌هێنرێت . له دوو
ڕووداوی جیادا ئۆتۆمبیل به ناو لایه‌نگرانی گۆڕاندا تێده‌په‌ڕێ و
ته‌قه‌به ناویاندا ده‌که‌ن که ئه‌و ئۆتۆمبیله ژماره‌که‌ی به ئاڵای
یه‌کێتی داپۆشرابوو . له ڕووداوێکی تریشدا پاش ئه‌وه‌ی پۆلیس ڕێگه بۆ
ئۆتۆمبیلێکی تر خۆش ده‌کات که هه‌ڵبێت پاش ئه‌وه‌ی ته‌قه به ناو خه‌ڵکی
دا ده‌کات به پێی ووته‌ی ئه‌و شایه‌تحاڵانه‌ی که له شوێنی
ڕووداوه‌که بوون ،هه‌ر به پێ ی ڕاپۆڕته ڕۆژنامه‌وانییه‌کان زیاتر له ۳۰
که‌س بریندار بوون که زۆرینه‌یان لایه‌نگرانی بزووتنه‌وه‌ی گۆڕانن ، به
پێ ی ڕاپۆرتێکی سه‌نته‌ری میترۆش تا ئێستا ۱۸ ڕۆژنامه‌نووس پێشێلکاریان
به‌رامبه‌ر کراوه ،شه‌وی ڕابردوو ۱۰ی سێپته‌مبه‌ر پاش ئه‌وه‌ی فیشه‌کێک
له ئۆتۆمبێلێکه‌وه ده‌رده‌چێت و به‌ر سه‌ری ژنێکی ته‌مه‌ن په‌نجا ساڵ
ده‌که‌وێت بۆ ڕۆژی دواتر له نه‌خۆشخانه گیان له ده‌ست ده‌دات
.
تا ئێستا هیچ تۆمه‌تبارێک ده‌ستگیر نه‌کراوه و ته‌نانه‌ت ئه‌و
پۆلیسانه‌ی له‌وێ ئاماده‌ییان هه‌بووه نه‌یانتوانیوه ئه‌و کاره ئه‌نجام
بده‌ن ، به‌ڵام هاونیشتیمانیان که‌سێکیان ناسیوه‌ته‌وه که کاتی خۆی له
خۆپیشاندانه‌کانی ساڵی ۲۰۱۱ ته‌قه‌ی له خه‌ڵکی کردووه و ئێستاش به
فه‌رمانی ئه‌و ئه‌و هێرش و توندوتیژیانه ئه‌نجام ده‌درێن ، به پێی چه‌ند
سه‌رچاوه‌یه‌کیش CPT له‌وه ئاگادار کراوه‌ته‌وه که یه‌کێتی نیشتیمانی
چه‌کی به‌خشیوه‌ته هه‌واداران و لایه‌نگرانی خۆی
.
.
ترسێکی زۆر هه‌یه که ئه‌م جۆره توندوتیژیانه له په‌ره‌سه‌ندندا
بن و ئاهه‌نگ و خۆشی و شادی بانگه‌شه‌وانان له‌که‌دار بکرێت ، هه‌رچه‌نه
ئه‌م شه‌و جارێکی تر تیمه‌که‌مان ده‌چێته‌وه سه‌ر شه‌قامه‌کان پاش ئه‌وه‌ی
له لایه‌ن هاوپه‌یمانه‌کانمان داوامان لێکرا که وه‌ک چاودێری
نێوده‌وڵه‌تی له شه‌قامه‌کان بوونمان هه‌بێت بۆ ئه‌وه‌ی بارودۆخه‌که به
دیکۆمێنت بکه‌ین.